Un trio ladron a drenta den New 88 Food Mart na Macuarima y asina horta basta cos. Den careda di 1or diadomingo nan a yega pa asina horta.
A drenta den e Supermercado y mesun modus operandi di separa for di otro y despista e trahadornan. Despues nan ta cuminsa piki algun cos sonde den carson of tas.
E homber cu shirt di Brazil bisti a horta dos Shampoo. E sospecho ta cu el a horta mas cos tambe. El a wordo descubri y djey a sali bay sin entrega nada bek. A bay su tras un rato y el a bay den direccion di warda di Polis na Santa Cruz. A yama Polis pero nan no a topa cune y tampoco e dos muhernan cu tabata cune. E muhernan ta mesunnan cu un rato prome a bay tambe den e Supermercado na Paradera.
Na New 88 Food Mart na Macuarima nan a horta dos paki di Tilapia y un paki di Cabaron. Un di e muhernan sa bin den e negoshi. E otro dosnan nan no sa miranan. Polis a tuma declaracion y mira e videonan. Claramente por e conclui cu e muhernan ta mesunnan cu ta cana horta. Parce cu e hombernan ta cambia shirt cada biaha cu nan drenta otro supermercado. Awendia e mihor cos ta manda e videonan rond y asina laga pueblo mira kende ta cana horta. Asina e por traha den forma preventivo.
