Diadomingo un total di nuebe Gai di pelea a wordo mata y comi pa porconan hambra y brabo den Savaneta. Tin diferente Rancho of Cunucu caminda tin fiesta of criamento di bestia na Savaneta.
Doño di un di e cunucunan a yega diadomingo y topa cu e area unda nan ta sera tur kibra. E porconan brabo a lanta hambra mainta y drenta den tereno prohibi y asina comete e acto aki. Nan a kibra cura di palo y djey mata e gainan y comenan.
A haya solamente pluma cu a keda atras. No ta normal cu sa tende atakenan di un porco contra gainan sera. Esaki hopi biaha ta cachonan ta haci e actonan asina.
E doño a splica cu no ta prome biaha cu algo asina ta sosode. Varios biaha ultimo tempo el a perde Gainan di pelea pa mesun atakenan asina di porconan hambra. E tabata hopi disgusta pasobra e ta tuma su tempo y cria su bestianan. Ademas cada gai ta costa riba 200 dollar.
A busca manera di haya e doño di e porconan pa e para responsabel. Nan sa di kende e porconan ta. Polis a conseha e homber cu a perde su Gainan di pelea pa sera e porconan den su tereno. Y asina laga e doño di e porconan aparece y para responsabel pa e daño cu su porconan cu ta cana rond a causa.
