Seis persona a kere cu nan por a busca un luga aleha pa nan por disfruta di lama sin cu ta descubri nan. Polisnan di San Nicolas a bay na Sero Colorado pa controla e costanan. Ora nan a pasa den un area scondi, a nota cu tin movecion di hende. A pasa memey di un cura di waya corta y a yega unda e grupo tabata gosando di e beach manera nada un pasa.
Ni maske tur hende a scucha e mensahe cu no mag di bay disfruta di nos beachnan riba Diabierna, Diadomingo y Dialuna, tog Polis na San Nicolas a bin topa cu un grupo di seis, cu awor ta core chens di haya un multa di mil florin cada un. Esaki bou acusacion di a purba “burla” di e ordo di “Shelter in Place”
Polis a baha atende cu nan tur seis. Dos unidad di San Nicolas a haci e trabou di control. Cada persona a haya un multa. Seis multa duna ora a haya nan cu nan beach chair na beach comosifuera e anuncio di Gobierno no ta conta pa nan.
