Ora situacion ta normal por tin como 125 trahado sexual laborando na Aruba. Pero, desde 13 di maart bida no ta “normal” mas ni na Aruba y ningun otro parti di mundo. Pesey a logra saca mayoria trahado sexual for di Aruba. Actualmente tin como 17 di Colombia cu ainda ta pega na Aruba y sin entrada. Tambe tabatin como 14 di Republica Dominicana cu awor a logra regresa.
E crisis cu Coronavirus a trece pa mundo a afecta casi 100% di tur trabou. E ofishi di mas bieu di mundo tambe a wordo afecta. E damanan den hanchi no tin entrada via clientenan cu ta bay pa sasia nan sed sexual na San Nicolas. Ademas cu Toque de Queda a pone cu anochi cayanan den San Nicolas of e hanchinan di prostitucion ta keto. Ademas cu Coronavirus mester mantene distancia pa evita cu e virus ta peganan.
E trahadonan sexual ta biba tambe di turismo. Awor cu no tin turista, nan negoshi di drumi pa placa tambe a wordo afecta. E damanan practicamente no tabatin placa pa come y paga nan apartamento diariamente. Pesey mes e doño di bar cu ta responsabel pa nan presencia na Aruba mester a actua.
Aki cuater doño di un of mas bar a logra busca un avion pa hiba nan Santo Domingo bek. A logra saca nan via un charter cu Divi Air di Aruba pa Corsou, for di unda nan lo a subi un avion mas grandi cu mas trahado sexual rumbo pa e pais di Merengue.
Awor ta pendiente ainda pa saca e grupo di Colombia cu keto bay ta pega. Parce via Consulado ta buscando manera pa haya clearance pa nan por drenta Colombia despues cu keda cla cu un buelo.
