Un mucha cu a bay cu su famia pa gosa den Inter park Coney Island a haya un accidente chikito. Esaki tabata diasabra anochi. Den e tobogan el a slip. Esaki ta un di e actividadnan cu muchanan ta gusta masha hopi. E ta casi na e cura banda di caminda. Ora el a slip e mucha lo a dal su curpa. E tabata drumi na vloer. E mayornan tabata tey pero un persona Venezolano a core bin. El a bisa cu e ta dokter y pa no laga e mucha lanta. E mucha mes kier a lanta pero a prefera pa lage keda drumi. Finalmente Polis y ambulance a presenta. Paramediconan a constata cu e mucha ta ok. Asina mes finalmente a dicidi cu ta hibe hospital pa un extra atencion medico. Ta cosnan cu por pasa cualkier caminda. Un accidente personal chikito. E incidente no tin di haber cu e cualkier funcionamento di ekiponan den Coney Island. E mayornan tabata ok y gerencia a duna atencion mesora pa e caso tambe unda a notifica ambulance pa presenta. Spera cu pronto e mucha ta bon bek pa asina bolbe Coney Island y sigui pasa ratonan dushi mescos cu otro muchanan y nan mayornan.
