Dialuna mainta Parlamentario Alvin Molina a hiba palabra durante e conferencia di prensa semanal di partido Movimiento Electoral di Pueblo (MEP). Aki, e ex polis a enfoca su mensahe riba e incidentenan lamentabel den fin di siman caminda un persona a perde su bida den un tiramento den area turistico di Palm Beach.
“Polis tin un tarea grandi pa cu visibilidad, control, persecucion si algo pasa. Nos sa cu na e momento aki e organisacion y ambiente den KPA ta uno di insiguridad y no mucho saludabel.
Tin falta di personal; esun cu t’ey ta biba un demotivacion cu na final di dia no ta positivo pa e servicio cu ta duna pueblo,” asina e parlamentario a indica argumentando e peticion cu a haci na su colega di partido y Minister di Husticia, Rocco Tjon pa percura cu Altocomisario nobo Ramon Arnhem bin parlamento pa duna un presentacion y splicacion di con e ta bay sanea KPA.
E parlamentario finalmente a indica cu e kier sa tambe con KPA ta bay sigui contribui na siguridad di Aruba y frena e fenomeno lamentabel cu e ta wak ta desaroyando.
Pa e relato completo, lesa edicion di TREMPAN
