Cu 12 voto na fabor y 9 contra Fraccion di MEP, POR, RED a pasa mocion di desconfiansa contra Minister drs. Paul Croes.
Den un reunion cu a dura di mainta pa atardi Parlamento a debati riba e posicion huridico di e minister demisionario. For di Mey ultimo drs. Paul Croes no tin un ministerio bou su encargo.
E fraccion di AVP ta acusa e fraccionnan den qualicion cu lo forma gobierno di ta haci persecucion politico. Lider di MEP a remarca cu e punto primordial di e programa di gobernacion cu e qualicion lo sostene ta para duro pa cu integridad den gobernacion, algo cu e gabinete demisionario ta falta.
Diamars awor lo sigui cu e reunion publico riba e topico cu no a keda trata awe, esta esun di e construccion di hospital unda lo atende cu Minister demisionario dr. Alex Schwengle.
