Marlon Sneek di e fraccion di AVP durante e conferencia a splica un tiki riba e formacion di Gobierno. Prome cu campaña a sinta caba a dicidi di forma gobernacion y awor cu e berdad a presenta por mira cu awo ta hoofdministeries nan ta bezig cun’e, pa wak ken ta haya kico, ken ta haya cua. Un desconfiansa total ta loke tin aworaki. Ora cu a sali bisa cu husticia, den e caso aki, finansas y economia ta e carteranan cu MEP lo mester haya, despues a mira hende ta backpaddel. Te aworaki e gruponan cu kier forma Gobierno no por yega na nada. E prome paso cu MEP a papia, ya caba no por cumpli cun’e. Skirbi algun biaha den articulonan cu nan a presenta, cu nan ta bisa y cu ta convenci cu mester baha di 9 pa 7 minister, pasobra cu e placanan ey, nan lo bay salba e pais aki. Si cita un articulo “solucion di MEP”. A priminti pueblo cu e tin un solucion. E no a bisa cu ta bay traha un team, cu ta bay haci investigacion. A bisa solucion. MEP ta kere den un Gobierno mas eficiente cu menos minister. Esey tabata un solucion cu e tabata bende na comunidad, pa un paar di luna tras di otro.
Coordinador y gastonan di luho, ta propone tres paso. Paso 1: bay di 9 pa 7 minister. Awe nos por mira cu e paso uno caba, e baby no por cana. Paso 1 caba tin problema, pasobra loke el a priminti di 9 pa 7, e no ta bay cumpli. Ya el a cuminsa baila, si no ta 9 ta 8. Cuidao e no yega 10. Manera cu e cos aki ta pinta, hendenan cu a bay campaña bisa cu ta ayera e hendenan mester a sali for di oficina y awe e ministernan tin cu sigui atende cu asonan coriente, pasobra ainda nan no por forma un gobierno.
No por yega na formacion
Tambe tin mas paso cu nan a comenta riba dje. Paso 2 ta pa baha cantidad di coordinador. Paso 3 ta baha gasto di luho di Gobierno. E gobierno aki, e prome paso e no por dal y e otro dos pasonan, ban wak si nan por cumpli cu nan. Pasobra e promesa cu nan a haci na tur hende ta un reduccion directo di 50 miyon florin, basa riba e tres pasonan aki. Marlon Sneek di AVP durante e conferencia a splica cu nan no por yegana un formacion y no por presenta. Ainda no sa kende ta formador. Otmar a papia un cos y Evelyn ta papia un cos riba kende ta bira minister. Sinta riba stoel di formador ta mira caba e prome efecto di e veneno ta biniendo. 50 miyon nan ta suppose di start Gobierno cun’e, pasobra ta den nan man. E momento a yega awo pa nan cumpli awo. AVP lo keda alerta sigur riba e desaroyo aki. AVP su oreanan ta hancho habri y wowonan gespan pasobra cada biaha cu nan faya, nan lo tey hunto cu prensa, pa asina por informa pueblo di kico ta locual ta pasando. Pa AVP sigur ta lamentabel na e forma cu ta mira cu nan ta trata e forma di forma un Gobierno. Hendenan cu a sinta cu otro caba y yega na acuerdonan basa riba, den e caso aki, con ta cumpli cu sponsornan. Por corda tur e desordo di sponsor cu hasta a menasa hende cu morto y awe ta mira cu no por yega den e caso aki na un formacion. Nan no por presenta. Na dado momento a bruha ta ken ta formador, pasobra dado momento sr. Oduber a sali bisa cu e tin dos minister, caminda e formador oficial mes no por yega na gobernador y bisa kende ta e ministernan pa wordo gescreen, con e gabinete ta hinca den otro. Cada biaha cu e pregunta ey wordo haci pa medio di prensa, ta scucha cu nan ta bezig ta negoshando ainda. Eybanda un otro ta grita cu tin dos caba. Sinta riba stoel di informador, eynan caba por mira e prome pelea. E fraccion di AVP lo ta di 2017-2018 pasobra e forma cu cos ta bay no ta bay ta un bon formacion. Corda pa un Gobierno stabil cu por bay hiba un bon gobernacion. Abo mes a bay OM formalmente entrega un keho pasobra den bo opinion, sr Oduber di partido POR, lo a haci cosnan incorecto. Lo a inrikece su mes pa medio di un amigo di dje, door di cera un contract di strawberry gate. A bay oficialmente como fraccion di MEP, fisicamente cu bo documento, entrega un keho contra e persona aki. Bo por bisa un hende un cantidad di cos den un rueda di prensa, den un reunion publico. Pero bo formalise na OM, cu un hende den e caso aki sr. Oduber, lo ta corupto y mañan bo por sinta na mesa cun’e y forma un Gobernacion, ta bisa ki clase di hende bo ta.
Un set di mentira basta bo logra bo meta
Marlon Sneek di AVP a splica cu ta tira un set di mentira den pueblo basta bo logra bo meta. AVP lo ta alerta y lo ta riba tur punto pa asina sigui informa comunidad ki grupo di bandido kier tuma over, pa bay enrikece nan mes, zorg pa nan tata haya contract, zorg pa tantanan haya luga di huur y asina por sigui menciona. Ya caba ta preparando. Ta un grupo cu interes personal ta buscando manera di sinta. Un grupo cu no por a demostra te cu awor aki cu no tin interes pa e pueblo aki. Si bo a bin pa traha pa pueblo, lo bo a cumpli cu e 7 aki. Lo sinta cu muchanan malcria pa asina forma Gobierno, sino nan no ta goberna. Por mira caba cu pueblo a wordo poni un banda. Interes di grupo y hende ta prevalece. Esaki nan no lo bay dura pasobra nan meta no ta pa traha pa pueblo, sino traha pa nan personalmente. E discussion ta bin cuanto cada uno ta haya mas. E tipo di discusionnan aki ta bay bin y pronto lo bay mira e desaster. Ta mira caba cu ta un grupo di hende cu simplemente tin nan interes dilanti y no di hende. Si nan ta casi cla, mester cuminsa menciona kende ta e ministernan, pa nan bay haci nan screening. Ta interesante pa papia di plan di Gobernacion ta casi cla. Sneek ta interesa pa mira e plan di gobernacion. Pa coy un punto, un discusion riba Aruparking: a buta comerciantenan welga, pasobra esey tabata e punto. Awe parlamentario Lejuez, a trommel op tur su hendenan, haci mal uzo di su funcion como presidente di Camara di comercio, pa instiga cu ta e parkeermeternan lo ta e problema. Comerciantenan a welga, ta tur tabata para eynan y awe por mira cu tin cu bay haci un investigacion. Si a bisa pueblo cu esey ta e punto cu ta e dolor, bo tin cu drenta y cumpli cun’e, Sneek a splica.
