Obispo di Willemstad, esta Luis Antonio Secco, a dirigi un mensahe ayera diabierna na tur sacerdote, diacono, religioso y fielnan Catolico, relaciona cu e situacion di contagio pisa bou di islanan den Caribe Hulandes. Siendo e obispado cu ta atende cu tur misa y parokianan, nan mester garantisa siguridad di e personal religioso y di e fielnan cu ta atende celebracionnan liturgico. E intencion ta pa promove salud y cuida tur hende pa no contagia cu e virus aki, cu a causa un pandemia na nivel mundial.
Obispo a instrui tur e pastoornan pa sigui mantene e medidanan di precaucion decreta anteriormente. Durante celebracionnan di misa y actividadnan religioso, ta urgi pa tur hende bisti tapaboca mas tanto posibel. Tambe obispo kier pa mantene distancia fisico y pa evita aglomeracion, tanto prome como tambe despues di e celebracionnan di misa.
