Minister Arends a habri e seminario interactivo encuanto Integridad y Corporate Governance den presencia di Gobernador, e Parlamentario-, mandatario- y stakeholdernan riba veld.
Nacionnan Uni a decreta 9 di december como Dia Internacional contra Corupcion, den cuadro di esaki Ministerio di Integridad a decreta e siman aki como “Siman Nacional di Integridad”, cu varios actividad planea pa conscientisa nos comunidad tocante e importancia di identificacion y prevencion di actonan no-integro.
Na januari lo cuminsa cu e stakeholdermeeting cu Parlamento, Algemene Rekenkamer, Hof van Justitie y demas stakeholders pa enfoca riba Aruba Integrity Strategy. Pocopoco, pueblo lo cuminsa realisa, cu integridad ta mas cu djis un palabra.
Un danki na Bureau Integriteit Aruba, Commissie Corporate Governance y consehero legislativo Carlos Guiamo pa guia e seminario riba integridad. Ademas, ta gradici Universidad di Aruba pa e uzo di nan facilidad.
