Dia 2 di januari 2024 a celebra e cambio di aña na cuater cas di cuido. Minister Arends a comparti un dande cu nos adultonan mayor hunto cu e grupo Conhunto297.
E celebracion tradicional aki a sa di alegra nan dia como tambe e ekipo di minister cu e grupo musical. Durante e festividad, adultonan mayor por a baila y disfruta di e dandero den bon ambiente.
‘E ta importante pa nos corda ariba nos adultonan mayor, no solamente durante fechanan special, si no henter aña. Un poco di nos tempo por trece nan un felicidad grandi cu no ta costa nos nada’ Minister Arends a remarca.
Ta gradici Amilia Care Services y e tres filialnan di SABA pa habri nan porta. Tambe un danki na Mario Croes, Ryan Maduro, Erik Ras, Rudy Ras, Jessica Ras, Marlon Jacobs y Daniel Werleman di Conhunto297 pa trece ambiente cu nan dushi dande.
Ministerio di Asuntonan di Adulto Mayor ta desea tur hende grandi y esnan cu ta traha den nan cuido un prospero aña 2024 yen di bendicion y salud.
