Minister Otmar E. Oduber ta interna na Dr. Horacio E. Oduber Hospitaal pa observacion y tratamento medico avansa, relaciona cu un sangramento interno. E ta kedando riba piso 4 y awe lo haci testnan medico cune. E causa di un posibel “maagbloeding” ainda ta desconoci.
Ayera e mandatario a bira malo na Rum Reef Bar na San Nicolas, den pleno preparacion pa un evento organisa pa su grupo di carnaval, TOB. A organisa e evento “Ban pariba” pa corona nan Reinanan pa carnaval 65.
Na dado momento Minister Oduber a cuminsa sinti malo y a transporte pa IMSan den auto particular. Ey a purba samin’e pa evalua su condicion. Mas atardi a hib’e cu Ambulance pa Hospital. El a yega ey cu oxigeno artificial na nanishi pa tene stabiel.
Poortsarts dr. Lubbe a tuma responsabilidad di su cuido pero a pidi intervencion di Ciruhano Tromp, cu a intern’e na piso 4 pa awe diadomingo haci mas test cune pa determina exactamente kico a pas’e, ki plan di cuido medico lo aplica y pa dicidi cuanto tempo di hospitalisacion e lo rekeri.
Nos ta desea Minister Otmar Oduber un pronto recuperacion.
