Minister di Salubridad Publico Dangui Oduber ta informe di un noticia positivo pa pensioenadonan. E suma di pago ta aumenta entrante prome di januari awo pa tur esnan cu ta cobra pensioen. Segun e mandatario ta informa, Conseho di Minister, riba proposicion di Minister di Turismo, Salud Publico y Turismo, a dicidi di aumenta e pensioennan di behes di siguiente forma entrante 1 di januari 2020:
- Pensioen pa soltero ta aumenta di 1.132 pa 1.157 florin
- Pensioen pa pareha ta aumenta di 1.906 pa 1.948 florin
- Pensioen dividi pa pareha ta aumenta di 953 pa 974 florin.
E pensioennan pa huerfano y viudo ta keda adapta cu e mes un porcentahe. Den aña 2019 tambe minister Dangui Oduber a aproba e aumento aki. Den 2 aña di gobernacion a aproba un aumento di 84 florin pa parehanan casa y 50 florin pa soltero. Minister Dangui Oduber kier a gradici ir. Edwin Jacobs di Svb pa haci e ehericio necesario pa cumpli cu un aumento pa nos pensionadonan.
E ser humano ta central y nos ta cumpli cu esaki.
MINTVS y gobierno CUMPLIENDO.
