E campanja di fin di anja di Super Food Plaza ta activo desde prome di December y ya caba e prome dos ganadoranan di un Golden Bonus Card di 10 mil florin a bira conoci.
Ta trata aki di Sra. Sharine Werleman-Hart y Sra. Judith Schnieders. Falta dos premio grandi mas di Golden Bonus Card pa ser gana y tin mas cu 800 otro premio tambe pa worde reparti ainda.
E premionan den e campanja aki ta varia entre 4 Golden Bonus Card di Afl. 10.000 cada un, un travel voucher di Afl. 5.000, premionan electronico manera Iphone 11, Mac book Pro 13”, Apple watch series 5, Samsung LED Smart TV 65” y hopi gift vouchers di diferente valor.
Pa participa, e cliente mester haci su compras den un di e tiendanan na Super Food Plaza manera Super Food, Casa, Intertoys, Bliss, Jack’s Café of Cheers y cumpra Afl. 50,- of mas. Na momento di scan e bonus card, e sistema di computer automaticamente ta avisa bo si bo ta un feliz ganador.
Den luna di December, Super Food Plaza ta habri tur dia te 9’or di anochi pa duna tur cliente mas tempo pa haci nan compras den tur trankilidad. Tambe a habri un pida parkeerplaats adicional pa acomoda mas auto. Dia 24 di December lo sera pa 4’or pm y ta habri bek diabierna 27 di December pa 8’or am. Super Food Plaza ta felicita tur e ganadornan te cu awor di e campanja aki y ta desea comunidad di Aruba feliz dianan di fiesta.
