Aunke cu Minister di Asuntonan di Energia Glenbert Croes a duna e companianan di utilidad 30 dia pa yega na un solucion pa baymento di coriente, awe e ta bisa cu cos a mehora. Loke bou di comunidad no ta experencia ainda.
Por lo menos den 22 dia, coriente a bay 15 biaha pa diferente motibo.
Tabata dia 4 di september ultimo cu e mandatario, despues di a bolbe di vakantie, a hay’e confronta cu e situacion di baymento di coriente cu ta afecta e economia di Aruba.
E mandatario ta admiti cu e companianan di Utilidad (ELMAR, WEB y Utilities Aruba N.V.) tin te cu 4 di october pa duna relato. “Nan ta avansando riba e temanan riba cual ta pone presion. Principalmente riba e puntonan cu nos kier mira solucion pa nan.”
E mandatario ta kere cu ya caba ta mira cu e compania ta actua cu hopi mas determinacion pa yega na e solucion. E deadline no ta pa menasa niun hende. A pone trinta dia simplemente pa soluciona e problema pa pueblo. Esaki pasobra no ta aceptabel cu den un mundo mas calor cu ta biba, comunidad y economia cu ta depende ta coriente pero esaki ta bay.
E ta admiti cu e molester ta grandi y ta bisa tambe cu den e mundo avansa cu ta biba, y e cantidad grandi di inversion cu Aruba ta haci den e dos empresanan, debe e pueblo un suministro confiabel.
