Durante conferencia di prensa di gobierno, minister di husticia, Andin Bikker, a pone enfasis riba un persona cu tabata comporta su mes, na un forma cu ta pone peliger cerca esnan cu ta haci deporte, sea cu nan ta jog, core bicicleta y peatonnan. Of hasta personanan cu ta yuda den cuadro di triatlon, etc.
Minister Bikker a laga polis atende cu e persona aki. Sin embargo e persona aki a cay den ripiticion y varios keho a cay atrobe. A pidi pa cuerpo policial tur rapport pa loke ta trata e incidentenan. Loke a resulta, cu e persona aki, na Juni di aña pasa, bao di gobierno anterior, tabata tin kehonan substancial contra di dje. Hasta el a wordo deteni pa algun dia. No obstante esey, nada no a wordo haci. Awor aki, bao di responsabilidad di e minister, bao di ley di trafico, articulo 11, cual prome biaha den historia di Aruba ta wordo aplica, pero e legislador a pensa riba casonan asina y a bay over e ora pa pidi di e persona aki pa entrega su rijbewijs, cual a tuma luga siman pasa. Awor aki, e tin cu bay pasa un evaluacion conforme e ley, pa wak kico ta pasando cu e persona aki. E importancia ta cu e ciclistanan, cu e personanan y esnan cu ta eherce e deporte di jogging, pero tambe peatonnan, nos comunidad en general, cual ta participe na trafico, cu nan por ta trankil, cu en todo caso, gobierno a actua y conforme leynan vigente. Publico por ta conciente cu gobierno no a drumi riba esaki y cu diligentemente a tuma pasonan, conforme nos leynan vigente.
Articulo 11 no ta duna e minister autoridad pa loke ta e vehiculo, si pa retrata, of pa e persona entrega prome cu tur cos e rijbewijs. E mester pasa testnan prescribi pa ley. Despues di e resultado di e testnan, por bay over na definitivamente hala aden e rijbewijs. E no ta duna ningun derecho of autoridad pa pone por ehempel confisca e auto, pasobra ta un infraccion di trafico. Pero automaticamente, si un persona, cualkier persona na Aruba, no tin un rijbewijs, e ora e no tin e derecho pa maneha e vehiculo.
Awor aki ta canando e pasonan cu e articulo 11 di e ley concerni ta duna. Esaki ta prome biaha den historia di Aruba ta wordo aplica. Parlamento, un dia a pensa riba e posibilidad aki cu lo por tin un of mas persona cu ta causa, segun nan comportacion, cierto consternacion den comunidad, pa loke ta trata con nan ta anda den trafico y a base di esey a cuminsa canalisa e proceso. Ta jammer cu e no a tuma luga, pero danki na Dios nada serio no a tuma luga entre Juni 2017 y awor aki te cu siman pasa, cu a firma e decreto aki pa e pasonan necesario por keda tuma.
Ken cu mira e persona aki riba caya tras di stuur, por notifica autoridad libremente.
