Ayera tabata e ultimo dia di e curso militar yama “Military Tracker” cu a tuma luga riba nos isla. Por lo menos 33 militar a participa activamente na e curso aki, cu a dura 3 siman. Ayera nan a termina e curso intensivo, cu e asina yama “Final Exercise”.
“Military Tracker” ta e habilidad di localisa, identifica, interpreta y sigui tras di pistanan. Ta desplega “tracker” nan militar den trabounan di “search and rescue”, den forma di sosten na autoridadnan local. Pero tambe ta uza e grupo aki den areanan di combate, den operacionnan rond di mundo.
E curso ta consisti di un parti tecnico-teoretico, habilidad practico di cada militar individual y tambe nan forma di traha den ekipo. Ayera a haci entrega di certificado na cada un di e militarnan cu a pasa e curso aki cu exito.
