Diasabra atardi pa mas of menos 3:00pm polis a para un auto marca Honda, modelo Fit, color blanco, numera A-75654. A para e auto net na e bocht di Malmok. Ora a bay controla e auto, cu a pidi pa e chauffeur identifica su mes, a constata cu e chauffeur no ta legal na Aruba. E por a prueba di tin un permiso di estadia of di trabou na Aruba.
Consecuentemente, di acuerdo cu e maneho di polis, a manda yama transporte special pa hiba e homber pa Warda nos Costa pa nan por procesa su papelnan pa prepara pa deportacion.
Ultimo tempo, Minister Andin Bikker ta logrando pa tin mas vuelo humanitario entre Aruba y otro paisnan. Ey ta percura pa tur stranhero cu mester expulsa tin prioridad y despues ta sigui esunnan cu mester deporta y si resta espacio, ta permiti esunnan cu kier bandona nos isla den forma boluntario, pa nan tur por biaha pa nan pais di origen.
Mientras cu ta sperando riba un vuelo asina, e stranhero mester keda cera na Warda nos Costa, pendiente su deportacion.
