E aña aki Mike Eman, lider di Partido AVP y ex Prome Minister di pais Aruba, a manda a celebra Dia di Mama di un forma diferente.
Por medio di un mensahe cu el a graba hunto cu su esposa Doina, no solamente a desea e mamanan di Aruba un dushi dia, pero tambe a recorda e dia aki cu un poesia den cual ta describe yen di emocion e ser humano cu yama mama.
Mike Eman ta cuminsa su discurso deseando ur e mamanan un feliz dia for di profundo di su curason. “Doina cumi tur aña tin e bunita oportunidad di bishita mamanan di Aruba den cas di nos grandinan riba dia di mama. Nos ta trece e braza y amor cu recuerdonan profundo di nos mes mamanan cu no t’ey mas cu nos.
Nos ta trece cancionnan cu letranan cu ta brota cu nos stimacion y gratitud pa semper e recuerdonan cu ta yena nos alma y curason.
Nan caranan, nan sonrisa y nan wowonan cu ta raya amor mutuo ta yena nos dia tambe y ta pone nos sinti cu kada braza cu nos comparti cu nan nos ta braza tambe nos mamanan cu no ta cu nos mas. Pa cuida nan salud awe nos no por haci e bishitanan dushinan aki. Pero for di nos hogar nos kier a transmiti e mesun sentimientonan di amor y aprecio pa nos mamanan grandi y tur mama na Aruba.”
Su esposa Doina tambe ta papia den e grabacion aki bisando: “Nos ta haci esaki awe compartiendo parti di dos poesia bunita dedica na Mama. For di letranan cu sentimientonan profundo di un mama stima di San Nicolas, Lolita Euson den feliz memoria, den su buki Moonlight on the Wave:
“Love in abundance comes to you mother dear.
May your day be sunny and bright.
God bless you and spare you to see many more,
And may they all be filled with delight.
Your love and assistance were always at hand.
When problems or grief came our way.
That why we adore you, o mother of mine,
May God guide you each step of your way.
Eman tambe a recita un poesia di un persona cu semper el a admira Ana Krozendijk de Cuba. El a cita un poesia di su buki Casita di Faro; Un Mama Ausente, cu e a dedica na su mama cu tabata malo.
“Riba un reki, mei-mei di varios pronkstuk
Tin un potret di mi mayornan, cara cu cara pega..
Sin wak, ni pensa mas, mi ta dal e porta di kashi habri..
Mi ta cohe tur si shimisnan, cu mi por tene den mi man
Mi ta primi mi cara duro den nan..
Hanjando e dushi holor di mi mama, cu a keda pega den nan
Y cu voz ahoga mi ta pidi: Dios laga mi mama bolbe cas liher.
Doina:
So heres your childrens blessing Mother
For all the Good you have done,
And prayers that you will enter heaven,
And hear our Saviors words; Well done.
Mike:
Ana Krozendijk ta sigui corda y añjora:
“Sin su presencia nos cas no tin calor..
Dune bida, dune salud, e a mustra kico ta curashi.
El a sinja nos kico ta pasenshi.
Su amor pa nos a pone domina tur sorto di dolor.
Mi mama, cu tur sinceridad mi kier bisa Bo: No ami so
Pero nos tur stima Bo hopi mes…pura ..bira bon y bin cas bek.
E ta finalisa su mensahe bisando: Cu hopi gratitud den nos curason nos ta gradici Boso tur pa Boso amor incondicional. E amor aki di Mama ta guia nos den e caminda di valornan, ta ilumina nos fe y inspira nos cu virtudnan importante pa un bida sano y feliz. Danki for di profundo di nos curason ! Un abrazo caluroso y un Feliz dia di Mama
Mescos cu nos mamanan a supera momentona dificil, nos tin Fe, Speranza y optimismo cu Aruba tambe lo conoce un dia nobo ! Cu nos Creador Bendiciona tur nos mamanan !
