Despues cu Mi Voz ta Bo Voz a organisa nan Food Drive recientemente dilate Giselle Department Store na Noord, diasabra tabata e momento pa reparti e cahitanan cu diferente tipo di comestible cu nan a logra recauda.
E base di salida tabata un cas na Boroncana unda cu boluntarionan a hinca tur material den e canastanan y for di eynan a bay pa e casnan cu nan tin registra.
Lisette Gomes ta Presidente di e Fundacion, y el a splica cu nan tabata un fundacion cu tabata yuda hende den necesidad caba pa cual a dicidi di tene e Food Drive un siman pasa. Den cuatro ora di e evento ta logra traha rond di 125 pakete.
Diasabra nan a prepara pa reparti 60 pakete y a consulta cu Fundacion pa Nos Comunidad, cu ta registra e adresnan cu e Fundacion Mi Voz ta Bo Voz tin den nan administracion. Ta papia di famianan cu no tin ningun entrada, pues no a haya aprobacion di FASE.
E ayudo no ta concentra riba un area so y ta reparti rond Aruba. Loke tin mas necesidad p’e ta arroz, pasta, lechi, cornflakes, azeta, salo, sucu, hariña, boonchi, etc. Pues tur loke cu mester pa pone riba mesa pa haci un cuminda.
Esnan cu kier sigui Brinda ayudo ora cu nan por, por subi riba e Facepage di e fundacion y contactna di e forma aki, unda tin un formulario cu esnan den necesidad tambe por yuda.
Gomes a enfatisa a pone prioridad riba esnan cu no tin entrada y a bisa cu e necesidad ta hopi grandi, tanto residentenan como esnan cu no tin document. “Nan tambe ta ser humano y mester di ayudo,” Gomes.
Por yama tambe na 5629820 of 5661345.
