Awe for di mainta trempan un ekipo di tecniconan di NV Elmar y Setar NV a uni den Zoutmanstraat, dilanti e oficina principal di Headlines Group, pa un trabou grandi di mantencion. A nota cu a cambia palo di luz y un “steunpaal” dilanti nos edificio. Un ke otro tin di haber cu trabounan regular di mantencion, den cual ta reemplasa e infrastructura bieu riba caminda pa palonan di luz mas nobo. Claro cu den e proceso ta actualisa e kabelnan unda ta necesario pa por adapta e suministro di coriente den e area.
Probecha cu ta baha tur kabel for di e palonan di luz, a invita Setar NV tambe, kende ta encarga cu e kabelnan di cable y di telefon. A baha tur e kabelnan, pa reemplasa e palonan di luz y steunpaal banda di caminda. Ora a instala e palonan nobo, a bolbe core e kabelnan riba nan y asina reestablece coriente y cable bek den e area.
Polis mayoria bez ta pidi e companianan di utilidad pa haci e tipo di trabounan asina den fin di siman, ora cu e trafico ta menos. Den e caso aki a start diadomingo mainta y den oranan trempan di atardi ya tabata cla caba y a haya coriente bek. Door cu den fin di siman e oficinanan ta cera y trafico ta menos pisa, ta mas facil pa por cera e caminda pa por eherce e trabounan necesario. Como cu ta trata di kabel di coriente, di cable y di telefon, no por tin hende canando asina sin mas den vecindario, pasobra e trabounan aki ta trece cierto peliger cu ne.
