Manera anuncia algun dia pasa caba, entrante diamars awor dia 1 di juni 2021, pasaheronan residente di Aruba ta exonera di haci un PCR test pa drenta nos isla ora di bolbe for di exterior. Importante pa señala ta cu e ta conta solamente pa pasaheronan cu ta cumpli cu tres rekisito impone door di Departamento di Salud Publico y Crisisteam, cu ta esunnan encarga cu maneho di e efectonan di Covid-19 riba nos isla.
E rekisitonan ta encera:
- Mester ta residente di Aruba
- Mester ta registra na AZV
- Ta vacuna na Aruba y a ricibi un certificado di vacunacion mas cu 14 dia prome cu e biahe bek pa Aruba
Pasaheronan cu ta desea di haci uzo di e posibilidad aki tin cu indica esaki na momento di registra via e online ED card system (https://edcardaruba.aw).
E sistema digital aki, esta e online ED card system tin cu wordo yena dentro di 72 ora prome cu e biahe di regreso pa Aruba. Ta corda e pasaheronan aki pa ora di nan yegada na Aruba, pa tin nan certificado di vacunacion digitalmente disponibel riba e Aruba Health App y tambe un copia fisico como backup.
