Diaranson anochi, den careda di 10:00pm, Cuerpo di Bombero a haya informe di un candela di mondi den bisindairo di Bushiri.
Mesora Cuerpo di Bombero a drenta den accion pa evita cu e candela aki sigui propaga y causa mas daño.
Sinembargo, mientras cu e bomberonan aki tabata cumpliendo cu nan deber pa paga e candela pa esaki no sigui propaga, algun chabelito di e bario a haya ta bon pa manda e bomberonan aki, no cu piedra, sino cu baranca.
Cuerpo Policial di biaha a manda varios unidad p’e sitio pa asina investiga cual ta e muchanan balente cu ta tira piedra riba e bomberonan.
Pero esaki no a duna resultado. Si a bin topa cu algun mucha cu tabata hungado rib’e veld, pero e spantabalentenan mes cu tabata tira baranca, a pensa nan dos biaha y a disparce for di e sitio, pa polis no haya nan.
