ATIA tabatin un aña 2023 hopi positivo. BBO na frontera tabata e topico principal aña pasa. Ta algo cu a afecta e mercado, pero Aruba su mercado ta hopi resiliente.
Herrick Henriquez, Director di ATIA a indica cu di nan miembronan, algun a bay bon, algun a bay menos bon. Pero esey ta pasa den tur economia. Loke nan kier trece na atencion di DIMP ta cu e pago di BBO na frontera ta e cash flow di e compania. Y pago di restitucion, cu no ta bay mes lihe cu nan a spera, ta tranca e cash flow di un compania.
E aña aki lo sigui enfoca riba educacion riba e topiconan aki. Specialmente e companianan chikito cu no tin e capital pa paga un Consehero Fiscal (Belastingadviseur), cu tin problema cu e pagamento di BBO na frontera y con pa hay’e bek. Otro siman ATIA lo reuni cu e Director di Departamento di Impuesto (DIMP), mr. Luenne Gomez-Pieters.
