Servicio Meteorologico di Aruba (Meteo) ta pronostica cu awenochi shelo lo ta parcialmente nubla y generalmente seco. Den marduga y mañan e lo ta parcialmente nubla cu awasero breve. Biento lo supla modera for di generalmente direccion oost cu forsa 3 te 4 (12 te 30 km/ora, 7 te 16 nudo) den dia basta fuerte te posiblemente fuerte den rafaga cu forsa 5 te 6 (31 te 50 km/ora, 17 te 27 nudo).
Situacion general di tempo pa proximo 24 ora:
Humedad persistente laga atras pa un ola tropical lo por induci un awasero breve den oranan di marduga y diamars mainta.
Condicion maritimo/estado di lama:
Ta spera un estado di lama trankil te modera den proximo 24 ora. Olanan lo ta for di oost- noordoost entre 3 pa 4 pia cu e olanan di mas halto na e partinan oost te noordwest.
Tempo tropical significante:
Depresion tropical nr.17 a sigui desaroya y bira un tormenta tropical Paulette tabata move west- noordwest den ocean atlantico central y na e momentonan aki ta solamente un molester pa nabegacion maritimo. Depresion tropical nr. 18 tabata move west- noordwest den parti oost di atlantico, oost di islanan Cabo Verde. Ningun di e 2 sistemanan aki ta un menasa pa area di Caribe.
Pronostico di tempo pa proximo 3 dianan:
Parcialmente nubla cu un awasero breve. Biento lo supla for di direccion oost, modera, te basta fuerte y posiblemente fuerte den rafaga. Temperatura max/min lo ta: 34/28 grado Celsius.
