Servicio Meteorologico di Aruba (Meteo) a informa awe cu awe nochi shelo lo ta parcialmente nubla cu chens pa awasero breve den marduga y mañan. Biento lo ta modera for di direccion oost te oost-zuidoost cu forsa 3 te 4 (12 te 30 km/ora, 7 te 16 nudo). Den dia biento lo ta basta fuerte te hasta cu rafaga cu forsa 5 te 6 (31 te 50 km/ora, 17 te 27 nudo). Ta anticipa cu awasero por cay entre 1 pa 7 mm den e proximo oranan.
Situacion general di tempo pa e proximo 24 oranan:
Un disturbio den nivelnan mas abou di atmosfera a trece basta humedad den nos region. Esaki lo pone nubianan aumenta temporalmente y produci algun yobida breve cu chens tambe di strena cu lamper.
Fenomeno special:
Debi na un incidencia relativamente halto di rayo di solo y humedad modera te halto e dianan aki, lo por verwacht cu temperatura lo por yega 34 of 35°c rond di oranan di merdia. Esaki combina cu e biento zwak te modera por duna un sensacion di calor di 38 te cu 40°c rond di oranan di merdia.
Tempo tropical:
Horcan Sam tabata situa na un distancia basta grandi di noordoost di Bermuda y ta move den direccion noordoost. Sam no ta forma ningun sorto di peliger pa e area di Caribe. Tormenta tropical Victor ta move den direccion west di islanan Cabo Verde y no ta forma menasa tampoco pa Caribe.
Pronostico di tempo pa proximo 3 dianan:
Shelo lo ta parcialmente nubla cu awasero breve. Biento lo ta for di direccion oost y modera. Rato rato por ta basta fuerte te posiblemente fuerte den rafaga. Temperatura max / min lo ta: 34 / 28 grado Celsius.
