Durante un bishita siman pasa di CAft na Dr. Horacio E. Oduber Hospital, a informa gerencia cu nan ta di opinion cu mester corta mas den e gastonan di e fundacion. Den esaki a haci mencion directamente den gastonan di personal. A splica CAft cu trahadonan a entrega mas of menos 5% caba di nan entrada, no den salario directamente, sino di beneficionan secundario. Pero CAft no kier tende y ta papia di cortamento directo den salario mensual. Nan a bay laga gerencia di hospital atras cu e encargo pa ehecuta e cortamento aki mas pronto posibel.
Entretanto gerencia di hospital a sinta cu e sindicato ABV, pa informa nan di e encargo cu nan a haya. Hunto cu e sindicato lo evalua e opcionnan. A pidi e sindicato tambe pa pensa hunto cu nan riba e posibel opcionnan of alternativa cu ta existi pa corta sin mishi cu salario directo di e trahadonan.
E presidente di sindicato a splica cu awe e lo tin un reunion atrobe cu directiva di hospital pa por sigui delibera riba e opcionnan. E sindicato ta consciente cu hospital a corta den gastonan di operacion caba, specialmente den cumpramento di producto y servicionan. No ta mira espacio unda mas pa sigui corta, sin cu e ta afecta e nivel y calidad di cuido cu ta brinda na pashentnan. pa mas informacion y detaye, lesa e edicion di TREMPAN di awe.
