Segun Departamento di Salud Publico Aruba (DVG), awe 112 persona a recupera y a registra un total di 56 caso nobo di COVID-19, di cual 3 ta turista y 53 ta residente. E cifranan aki ta representa un ‘Positivity rate’ bou di nos residentenan di 29%.
Cantidad di casonan activo di COVID-19 pa awe ta 1026 y cantidad di mortonan relaciona cu COVID-19 a aumenta na 121 cu fayecimento di 2 residente riba edad di 75 aña di cual ningun di 2 tawata vacuna. Condolencia y forsa na famia di e fayecidonan.
Datos di COVID ta ilustra aumento di casonan nobo cu un average semanal di 119 caso pa dia y un average di ‘positivity rate’ semanal di 29% pa dia.
Hospital tin actualmente 59 persona interna cu COVID di cual 6 ta den ICU na Aruba y 8 den ICU na Colombia, 41 riba piso general y 1 riba piso di maternidad (hende muhe na estado).
