Dialuna a tuma luga un reunion entre Stichting Musica, AMA, Aruba Entertainment 2020 y Departamento di Cultura, pa asina purba yega na un consenso pa cu e musiconan.
Robert Maduro, di DCA a splica cu nan mester sali na vanguardia di e parti cultural di Aruba, Bou di DCA ta regarda tur artista, e ta un plataforma hopi amplio cu DCA ta representa.
DCA y e representante di e musiconan tabata tin un protocol cu algun luna atras a manda pa CrisisTeam, pero lastimamente no a discuti esaki na mesa.
Representante di AMA, Sergio Tjin A Loi tambe a hiba palabra unda el a enfatisa cu mester para tras di e musico pasobra cu e no tin entrada. E luga unda e ta traha, tambe ta importante. Hotel ta exporta nos cultura, na momento cu limita e musico pa toca na hotel, ta limita exportacion di cultura di Aruba.
Pa Aruba Entertainment 2020 a hiba palabra Ofo Escudero. Nan ta busca pa proteha esun cu ta biba 100% di musica. CrisisTeam. Nan tur mester trece pan riba mesa. Nan ta hopi positivo cu CrisisTeam lo compronde e punto di bista di e musiconan.
Pa un cobertura mas amplio lesa TREMPAN
