Diamars mainta, polis riba patruya a bin topa cu un mata di kwihi cu a cay na Eagle Beach, net dilanti unda cu Club POVA tabata situa. Den e ultimo dianan aki awasero tabata cay den e area den oranan di marduga y probablemente, mirando cu e tera a satura di awa, lo a bira moli, y a haci cu e palo a cay. Parti di e caminda di asfalt tambe a keda destrui. E mata tin hopi aña eynan y e reisnan tabata core bou di tera y tabata bon hancra.
Por a nota tambe cu un palo di luz a sufri daño. E mata aki a blokia pasada di esnan cu ta haci nan ehercicio parti mainta, unda cu hopi di nan mester a desvia y sigui nan caminda. Otronan a aprecia e fenomeno y a saca potret di e palo.
Esnan encarga a bin na e sitio y mira con ta bay remedia e situacion.
