Un situacion un poco sospechoso banda di cas di gobernador di Aruba, Alfonso Boekhoudt, a pone personal di CEA bati alarma cerca polis. E hecho aki a sosode den oranan di manta, den careda di 10:30AM. E asistencia di polis tabata pa un homber pa un homber cu tabata haci masha straño dilanti di cas di gobernador. Aki varios unidad a presenta na e sitio, pa atende cu e cabayero aki y a bay over pa detene pa asina evita cualkier eventualidad.
Durante cu tabata papia cu ne, a constata cu enberdad e tabata haci straño, y dado momento e tabata purba di kita su paña, mustra polis su crucifiho, bisando cu Dios ta cu ne y cu polis mester lag’e su so.
Tambe el a scop un pia di slof benta den mondi. E persona aki tabata papia Ingles cu polis
Dado momento dos unidad mas a yega den area di Papaya pa asina atende cu e caso aki, y un rato despues e patruya motorisa y transportwagen a yega eynan.
Por a tuma nota cu e cabayero a purba di cana bay, pero polis tabata want’e y despues cu a pone den boei, el bay for di tino y a cay den otro. Tabatin mester di varios polis cu a lant’e y pone boca’bou den e vehiculo di transporte. No por a mira bon si e momento ey ainda e tabata for di tino.
