Algun dia pasa nos a tene un conferencia di prensa pa papia di nos logronan reciente y plannan pa futuro deriva di e Aruba Investment Summit na Hulanda.
Minister Geoffrey Wever, a indica cu aunke e cumbre a tuma luga un par di luna pasa, su impacto ta sigui resona, specialmente dor di proyecto remarcabel manera e desaroyo di un Ferris Wheel. E iniciativa aki ta ehempel di nos compromiso pa promove crecemento economico y innovacion na Aruba.
Establece conexionnan valioso
Aruba Investment Summit a sirbi como un plataforma vital pa establece conexion cu persona- y organisacionnan di Hulanda. Un resultado significativo ta nos compromiso cu un compania di produccion di paprika na gran escala. Un compania asina aki lo impulsa nos sector agricultor local. E combersacionnan a cuminsa y Gobierno di Aruba duna nan informacion detaya riba e mercado, manera cantidad importa y pronostico di demanda, loke lo facilita e posibel colaboracion aki.
Proximo compromiso comercial
Ademas di e iniciativanan agricultor, nos ta preparando pa ricibi un grupo di empresario riba 1 di augustus den un sesion virtual. E sesion aki ta pa duna un bista general profundo di e sistema fiscal di Aruba, facilitando inversionistanan stranhero pa compronde e beneficionan di haci negoshi aki. Transparencia y comunicacion cla riba nos politiconan economico ta crucial pa atrae y retene inversion.
Avance den proyectonan clave
Tambe nos a pidi presupuesto di diferente empresa pa apoya nos iniciativanan i nos ta organisando e esfuersonan aki. Un proyecto prominente, e Ferris Wheel, ta avansa na nivel gubernamental, impulsa pa iniciativanan departamental. E proyecto aki ta priminti no solamente pa mehora nos atractivo turistico, pero tambe pa simbolisa nos ambicionnan mas amplio pa desaroyo di infrastructura.
Cooperacion den agricultura
Tin mas trabounan, frutanan di e mision comercial, a reuni cu Universidad di Wageningen c’un compania yama Priva, un compania reconoce pa su experencia den tecnologia agricultor. Hunto ta pretende di pone un proyecto di agricultura comercial na Aruba den marcha. E proyecto aki ta pa revoluciona nos paisahe agrario door di introduci tecnologia moderno y practica sostenibel. Actualmente nos ta negoshando cu e gobierno Hulandes e location di e proyecto y otro detayenan logistico, cu ta crucial pa e exito di e proyecto.
Actividadnan den curso y futuro
E esfuersonan aki ya ta duna su fruto. Ta consolidando conexionnan y ta inicia varios combersacion entre companianan di Aruba y nos contactonan na Hulanda. E dialogonan aki ta habriendo camindanan nobo di cooperacion y beneficio mutuo. E meta ta pa crea un red solido di empresanan y institucionnan cu por impulsa innovacion y crecemento economico na Aruba.
Nos ta entusiasma cu e posibilidadnan cu e iniciativanan aki ta presenta y gobierno tin confiansa cu, cu colaboracion continuo, lo por logra resultadonan remarcabel. Diferente comerciante a bin Aruba caba y a sinta cu gobierno.
Cosnan asina ta tuma tempo, a crea un netwerk y e trabounan ta tumando luga den e cuadro aki.
