Aruba a drenta e ultimo bocht pa loke ta e celebracion di Carnaval 70.
Carnaval cu hopi di nos grandinan a yuda den su prome añanan y p’esey, diaranson nos di 24ora.com tabata presente n’e celebracion di Carnaval di Maris Stella.
Roxanne Ras, Guia di Actividad di Maris Stella a splica cu esaki no ta e prome biaha cu nan ta celebra Carnaval na Maris Stella, na Savaneta, hunto cu nos grandinan.
Normal semper nan ta celebra Carnaval cu e grandinan. Nan ta haci eleccion di reina, prins cu pancho. Pero door cu e aña aki Carnaval a cay hopi cortico, a opta ora pa djis tene un jump up cu e grandinan di e centro.
Si cada departamento tin nan reina y otro aña lo tene un celebracion un poco mas grandi manera cu e grandinan cu a sostene carnaval merece.
Pastoor Jairo Maduro (The Priest) y Richard Quant (Tattoo) tambe a canta e mainta aki y a gosa y baila hunto cu e grandinan.
Segun Roxanne, e grandinan ta gusta musica y nan ta gosa riba e ritmo di e musica. Nan a gosa un bol!
Edna Kock ta un di e grandinan di Maris Stella cu tambe e disfruta di e alegria cu musica a trece pa nan rib’e mainta di carnaval.
Un persona cu tempo di su mucha no tabatin mag di bay carnaval, awo na su edad grandi e ta disfruta di e dushi musica di nos carnaval.
