Polis a activa awe mainta na momento cu a bati alarma pa un caso di agresion na man di un adicto ambulante. A cuminsa un buskeda den e area di Caya Grandi y vecindario.
Esaki a tuma luga den careda di 10:00 am ora cu propietario di Kok Optica a pidi asistencia di polis pa un confrontacion desagradabel cu el a pasa. A compronde cu e adicto a acerca e comerciante pa pidie placa y na dado momento el a saca man y bofta e comerciante seriamente.
A busca patras di e area di e optica pero no a localisa e adicto eybanda. Un rato despues a indica cu e lo ta den area di Havenstraat. Aki polis a logra detene e ambulante y transporte pa warda di polis.
