Den cuadro di e recorte di 12.6% den e salarionan di e trahadonan publico, Minister di Finansa, mr. Xiomara Maduro, a splica cu hues tin cu bay duna su veredicto riba esaki y nos tur tin cu simplemente warda riba indicacion di e decision aki.
Locual a subraya si ta cu e hues ta bay tuma tur factor na cuenta y Maduro ta sigur cu entre esakinan lo tene e decisionnan cu tabata tuma dentro di reino riba e topico aki tambe. E ultimo aki ta referi, segun Maduro, na e flexibilidad cu tin dentro di e recorte aki pa por haci e cambionan necesario. “Nos tur tin cu gewoon warda un rato, wak kico e decision di hues, pa e ora ey desde eynan por sigui traha.”
El a señala na e echo cu gobierno ya caba tabata trahando riba e punto akinan, purbando di pone bek un 5% p’asina e salarionan bay bek na 100% y e recorte bay na otro componente den e condicionnan di trabou.
Pa un relato mas amplio lesa edicion di TREMPAN.
