Aruba Marriott Resort ta masha orguyoso di por a sostene un di Marriott International su balornan fundamental, cu ta pa sirbi e comunidad. Aruba Marriott y su Complex General Manager, Raoul Lemmerling, hunto cu AHATA y su presidente Tisa LaSorte, a dicidi di acerca Colegio E.P.I sector Horeca, pa asina invita seis di nan top studiantenan den e area culinario pa forma parti di un oportunidad unico den ‘partnership’ cu Michelin Star Chef, François Geurds, kende ta doño di dos restaurant cu tin Michelin Stars na Rotterdam, Hulanda.
Aruba ta desaroyando continuamente den ambos e ramo di turismo y tambe esun culinario y cu esaki, AHATA ta contento di por aporta na e studiantenan culinario di E.P.I. pa por brinda e oportunidad di traha conhuntamente cu François Geurds durante tres evento na Aruba Marriott. Entre e seis studiantenan participante, dos di nan a wordo selecta pa chef Geurds, pa asina bay Hulanda y sigui traha cu e chef den un programa di cuater luna como stagiaire den un di su restaurantnan cu tin dos Michelin Stars.
E dos studiantenan selecta a keda na nomber di Jofre Ridderstaat y Yvan Curiel. Aruba Marriott, E.P.I y AHATA ta felicita e studiantenan aki kende a demonstra nan habilidadnan na chef Geurds y awo ta cla pa bay Hulanda pa nan stage cu contribucion di Aruba Marriott y AHATA pa nan estadia. Esaki sigur lo ta un temporada yena di enseñansa y cu lo enrikece nan sabiduria y capacidadnan den e area culiniario na nivel halto.
