Si realisa cu antes hende semper tabata bay den caya. No tabata parkeer mes. Tabata para e auto, e persona ta baha, ta dal algun buelta busc’e persona bek, segun comerciante Marjorie Vermeer.
Despues di esey a kita e autonan pasobra kier a hacie mas manera un sorto di un luga caminda cu por sinta, etc. Pero a ripara cu despues di tur loke a pasa, e no a traha.
“Ban bek, wak kico por drecha.” Caya grandi cu e autonan ta pasa aden ta trece bida, el a menciona. Si tur rolluiken ta cera, tur tienda cu no tin ni luz den nan, no por haci nada.
E idea ta cu comercio ta bolbe haya un oportunidad pa lanta, pero diferente. E idea ta cu lo bay habri anochi, fo’i 1:00 pm pa 9:00 pm. Ta papiando aki manera un tipo di mall den caya. E ta un open mall caminda cu tin e pop-up stores, caminda cu por wak manera antes, cu por sinti na un luga particular, un luga cu su cultura papiando di Aruba.
P’esey mes mester cuminsa wak full caya grandi diferente. E no ta un caya grandi p’e pueblo. E ta un caya grandi pa nos turismo. Si tin 120 mil hende ta biba na Aruba, di cual podise 30% por tin un tas cu placa aden y por bay haci compras. Pero si tin e mesun 120 mil hende tur dia na Aruba, cu tin e tas cu placa y no tin nada di haci, esey t’e turistanan.
Tur hende aki depende di turismo. Mester cuminsa bende caya como un shopping entertainment. No solamente e caya ta habri, pero tin food and beverage aden, tin tur e camindanan chikito, tin terras. Si mira bon, na otro pais, hende gusta bay atardi y sinta riba un terras, bebe algo, e muchanan ta core rond.
E idea cu e hende ta bin pa keda, ta sali fo’i nan hotel, pasobra generalmente un turista ta keda te 4’or den lama y despues ta sali.
E ora e ta bay dress-up y bay dinner. Si e sali abao y papia cu e bellman y puntra unda e por bay come, nan ta bis’e cu e por crusa caya y bay den e mallnan. Esey ta mescos cu cualkier parti na mundo.
Pero na Aruba, si bisa e turista ey cu e por bay den stad, tin bunita luga cu por shop, nan tin entertainment, e ta den habri y ta safe, e hendenan lo bay. No tin escogencia. Ningun hende por competi cu un downtown. Downtown tin su carisma, su cultura y nos hendenan. Claro e Arubianonan tambe lo bin.
Mester cuminsa traha placa riba cabes di turismo. Pasobra e turistanan mester di entertainment. Tur turista cu bin Aruba generalmente, e hendenan mas hoben, ta gusta shop. Shopping ta un entertainment. Tur cos tin di haber cu e ambiente, cu ta pone bo haci esey y e ora caya lo cuminsa bende.
Pa mas detaye lesa TREMPAN.
