Ayera nochi a tuma luga e di cinco rond di e Campeonato di dam di Aruba.
E resultado ta como lo siguiente:
Ricardo Wever a empata Ricky Nisbet. Rolin Croes a gana di Elogio Croes. Mario Jansen a logra di gana di Annelaine Jacobs. Octavio Croes a gana di Eugenio Filiciana. Hector Winterdal a gana di Obi Tromp, Delbert Alexander a gana di Dennis Kelly y Daniel Diaz a empata cu Chester Berkel.
Despues di 5 rond, nos tin un solo hungado cu a gana tur su partidonan. Esaki tabata Mario Jansen y el a termina c’un score di 10 punto den 5 wega.
Na di 2 logra, nos ta haya nos hungado mas bieu den e torneo aki, Delbert Alexander cu un score di 9 punto (4 gana y un tabla). E tercer luga ta ocupa na e momento aki door di Octavio Croes cu 8 punto.
Otro siman di dia 21 di Juli lo topa otro:
Ricky Nisbet – Chester Berkel, Dennis Kelly – Daniel Diaz, Obi Tromp – Delbert Alexander, Eugenio Filiciana – Hector Winterdal, Annelaine Jacobs – Octavio Croes, Elogio Croes – Mario Jansen y Ricardo Wever – Rolin Croes.
E weganan ta start pa 7:00 pm en punto den nan club na Nieuwstraat 11, Oranjestad.
