Maria Dijkhoff Pita ta directora di e Departamento di Asuntonan Economico. E departamento aki a forma parti di e preparacion pa e mision comercial cu empresarionan di Aruba pa Colombia. Den entrevista e directora Maria Dijkhoff Pita a splica nan rol tabata hunto cu Camara di Comercio y tambe Holland House pa e mision comercial na Bogota. Nan meta ta pa stimula mas comercio entre Aruba cu Colombia. Na Aruba tin un demanda grandi y tin oferta pa hopi producto segun Maria Dijkhoff Pita. Colombia no tin solamente productonan di comer pero tambe tin productonan manufactura manera Textielnan, material di consreuccion. Tin hopi producto cu por importa y cu por yuda reduci e prijsnan pa consumidor. Prijsnan rond mundo ta creciendo y na Aruba e no ta un excepcion. Maria Dijkhoff a bisa tambe cu te awe e mision ta hopi exitoso y a bin cu 15 comerciante y tin mas cu 115 match making cu ta sinta cu ne tur e dianan cu ta bin.
Di parti di Departamento di Asuntonan Economico cu ta cay bou minister Wever, e directora a splica cu nan a topa diferente departamento di gobierno na Colombia. Aki kier atende no problema pero e rekisitonan. Ta bon pa conocenan y informa e comerciantenan local cual caminda nan mester usa. A sinta cu diferente compania di logistica tambe y esaki tabata hopi importante.
Departamento di Asuntonan Economico tin un rol pero no pa obliga unda y cu ken nan mester haci negoshi. Por identifica e rikisitonan cu tin pa nan cumpli cu nan. E proceso asina ta bay mas facil pa nan. Despues cu yega Aruba nan lo traha un roadmap cu otro instancianan na Aruba cu lo haña e discripcion ki tur nan mester haci. Camara di Comercio tin e rol informativo riba tur cos cu nan miembronan por haci. Tin un potencial hopi grandi y Maria Dijkhoff Pita. Ta importante pa por a topa cu e Douane di Colombia pa asina prepara tur cos y evita perdida cu nan mercancia. Holland House ta crucial pa yuda. Nan ta e contacto pa facilita tur cos pa un comerciante na Aruba.
