DOW a pasa den e parti pabao di e edificio di bestuurskantoor, cu ta bay te na e parti di
Landsontvanger bieu, cu ta paralelo cu Renaissance Hotel y a constata cu e edificio berdad
8 aña pasa mantencion a wordo haci riba dje.
Pero ocho aña a transcuri pero toch e
situacion a bay atras. Segun director di DOW, Marlon Croes, por a wak cu tin hopi lekage den dak cu ta causa cu plafond ta muha y ta cay. Tin betonrod bao di e piso cu ta haci'e peligroso, aunke cu e constructor di DOW a wak e, y a constata cu no tin peliger di derumbe. A mira tambe cu e indeling ta anticua cu tin cu bay cambi'e pa e bira mas atractivo pa por labora den dje. Un punto tambe cu a ripara ta, cu hopi di e bentananan, e kozijn unda cu awa ta yega na dje, a putri bay. Esey ta nifica cu tin trabao cu tin cu wordo haci y awor aki, cu e luga ta bashi, ta vacante, a conseha Gobierno pa e motibonan aki, no haci uzo di e parti aki di e oficina di Gobierno, pa asina DOW por haci e trabaonan di mantencion riba dje. Sigur ora cu bay prepara e trabao, di biaha bon. No laga e hendenan aby drenta y cuminsa traha y cuminsa anja mester reloca nan atrobe. Awor aki cu e ta bashi, probecha di e oportunidad cu ta presenta y a base di esey a cuminsa. Tabata tin reunion cu e minister encarga riba con ta
bay traha cu otro, riba e diesnjo cu ta bay wordo manteni. Hopi lihe a yega na e conclusion
cu parti di e coriente ta hopi antincua y cu lo dreche haci’e up to date na normanan di awe y tambe e riolering cu ta causa molester y holo cu lo bay drecha esaki debidamente cu ta haci
e funcionamento di e edificio mas placentero. E motibo Ocho aña pasa tabata tin un mantencion riba dje, pero loke tin cu corda semper, nos ta hopi bon den traha edificionan nobo, pero hopi malo den mantene edificionan. Pesey lo ta bon pa tin un fondo di mantencion di e edificionan di Gobierno, fondo di mantencion di edificionan di scol. Fondo di mantencion di careteranan.
Kico esey kiermen
Aki ta haci mantencionnan preventivo cu den futuro ta evita cu e facilidadnan cu tin ta bay
atras. Esey ta e parti cu door di no haci mantencion regular riba dje y rutinario, preventivo y
corectivo na e momento ey, bo ta bay hayabo cu tipo di desaroyo asina aki.
Westwing ta for di servicio Awor aki por haci uzo di e westwing, pero mirando cu e ta vacante awor aki, miho haci un mantencion grandi riba dje pa bo sa ora cu e keda, e ta cla y bo sa cu e ta safe, e ta placentero pa traha den dje. Su coriente ta cumpli cu normanan di awendia y tur hende por traha safe den dje. Tempo Segun Croes, tin un reto hopi grandi nan dilanti pa bay tene un destaho publico riba invitacion prome cu fin di anja pa por otorga y commit na e suma. E ora ey otro anja, cuminsa cu e trabao y ta calcula cu lo bay dura un seis pa ocho luna di trabao di mantencion riba e edificio aki.
