Biblioteca Nacional Aruba ta organisa un Anochi di Storia. Cu hopi placer y animo
participantenan di Curso ‘Skirbi Creativo’ ta conta un storia cu nan mes a skirbi. E anochi di
storia ta tuma lugar na biblioteca na Playa diahuebs anochi dia 30 di november, pa 7or y mey.
E aña aki tabatin diferente curso di skirbimento na biblioteca y for di esaki a sali un coleccion di storia bunita y interesante pa comparti cu publico. Cursistanan a experimenta cu diferente
estilo, idea y tarea bou guia di schrijfcoach Byande van Andel. Cursistanan cu ta presenta un
storia ta: Dynia Abath-Muller, Jessy Leon-Tromp, Yvonne Tromp y Dominico Werleman.
Pianistanan Catherine Provence-Hanrath y Rob Rijnbout ta toca piano y miembronan di coro
‘Coro daCaPo’ ta canta algun cancion. Un y tur ta bon bini, diahuebs anochi pa scucha storia cu un toke diferente.
