Un rato pasa, pa mas o menos 1:00PM, a socode un maltrato severo cu machete den Caya Bonaire na San Nicolas ( Village ). Un persona a yega cas den Caya Bonaire pa busca confrontacion cu doño di cas.
Locual por a compronde na sitio cu e persona aki a bin reclama e doño di cas y esaki no a aprecia e bishita. El a drenta su cas y sali bin cu machete den man. Situacion a sali completamente for di man na momento cu el a agredi e persona aki cu e machete. E victima a ricibi cap na cabes y na man cu tabata rekeri asistencia medico mes ora.
Polis a presenta y pidi asistencia di ambulance pa e victima. A transporta e victima mes ora pa Hospital pa tratamento medico. A detene e agresor mientras polis a continua cu e investigacion.
