Polis a bay pura na Ibero High School na San Nicolas. A drenta informacion cu tin un pelea formal andando. Na yegada a resulta cu un maestro y un alumno a bringa.
E alumno a keda herida cu sla na nanishi cu tabata sangra. Otronan presente mester a bula aden pa wantanan y separanan di otro. Un expresion di e alumno parce a pone e maestro reacciona di un forma caminda sla a cay.
Polis a avisa e mayornan di e hoben tambe. Polis a intermedia y a yega den un momento unda ambos a pidi otro disculpa den presencia di polis.
