E hecho aki a tuma luga den oranan di merdia na momento cu un grupo chikito di hoben tabata canando na pia, tratando di laga comunidad cerca conoci cu nan. Pero durante e accion ey, e lider di HTC a resulta herida.
E hecho aki a sosode den e bario di Montserat.
Gilbert Webb tabata den compania cu dos otro miembro di partido bishitando un cas den Semeleerstraat, cu a pidi nan presencia. Na momento cu nan tabata canando pa bay un otro cas, un auto cu algun hoben den dje y un di nan a dal Webb na su cabes. “Esaki ta algo cu nos no ta bay acepta. Politiconan mester wordo respeta. Nos no a scoge pa tuma abuso y maltrato, Nos derecho mester wordo respeta.”
A yama polis cu a intermedia den e caso aki. A logra recoge number di e auto y a entrega esaki na autoridad concerni. E persona concerni mester asumi su responsabilidad.
E lider di HTC a bisa cu nan a bini pa lucha pa progreso pa Aruba y no busca problema. Loke cu a pasa awe no ta necesario. Pero ta mas importante traha pa busca solucion pa problemanan riba e baranca aki. “E cosnan aki no ta spantami. Loke mi ta haci ta positio, p’esey ora cu mi sali mi no ta hacie cu miedo.
