Cantidad di casonan nobo ta baha pa di cuatro dia sigui

Den e resumen por a nota cu pa di cuatro dia sigui e cantidad di casonan nobo a sigui baha. Esaki ta crea speransa cu e casonan ta bahando di berdad. Por corda tambe cu e cantidad di casonan a yega na un piek cu 624 caso riba 13 di januari. Despues di esey el a cuminsa baha.

Segun resumen di awe 95 persona a recupera, a registra un total di 54 caso nobo di Covid-19, di cual 53 ta residente y 1 no-residente. Cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 70 test. ‘Postivity rate’ entre nos residentenan ta 18%.

Activo tin awe 541 caso, cantidad di fayecido relaciona cu Covid-19 ta 52 persona.

Hospital ta informa cu tin un total di 27 persona interna di cual 12 ta den Cuido Intensivo y 15 riba unidad general di COVID.