Awe 23 di februari 2022 Landsrecherche Aruba ta recorda cu a funda nan exactamente 29 aña pasa. Ademas awe
Landsrecherche ta lansa, pa prome biaha, nan mesun website: www.dlraruba.com.
Riba e website aki ta poni e tareanan y trabaonan di Landsrecherche. Nan tin e tarea importante di haci investigacionnan penal contra funcionarionan publico y semi-publico.
Ta realisa e investigacionnan aki den opdracht di Procurador-General di Aruba.
Landsrecherche ta gradici comunidad di Aruba y tur su ketenpartners pa e bon cooperacion durante e
ultimo 29 añanan y ta spera di por continua esaki den futuro.
