Diasabra den oranan di merdia a manda Polis pura den direccion di Perustraat. Tabata tin ladron druk bezig hortando airco na un cas. Ora cu Polis a yega na e adres no a haya ladron. E doño di cas tambe a yega. A resulta cu ladronnan kier a bay cu e airco pero den e caso aki a logra pasa man solamente pa e tubonan di koper. Ora cu e doño a habri e cas nan a haya e sorpresa mes. A topa cu e cas totalmente reboltea. E ladronan a logra kita un plachi di plastic y logra kibra un porta drenta e cas. A busca pa cosnan di balor y den e proceso a reboltea delaster un cos. Increible pa mira tur loke a wordo haci den e cas. Doño ta hopi rabia. Su mama a muri aña pasa y awor e ladronnan a bin haci fiesta den e cas cu no tin hende bibando aden. Nan a atende cu Polis pero a prepara tambe e plan B pa asina warda e ladron bolbe. E ora si no sa kiko lo sosode of kiko lo para di e situacion. A cuminsa tambe e proceso pa acomoda e cas cu a keda totalmente reboltea.
