Awe algo pasa di 12:10am a sosode un caso di ladronicia riba un auto staciona na altura di Lucky Numbers, den e parkeerplaats dilanti ex-Galeria Moderna den centro ciudad. Ladron a kibra e glas chikito di pasahero patras di un auto marca Nissan, modelo March, color blauw, cu number A-73440 staciona eynan, net dilanti e neishi di adictonan cu ta uza y bende droga eydilanti mes.
E señora a bisa Polisnan cu el a parkeer su auto eytras pa bay canta den Renaissance Resort Aruba. Pero ora cu el a caba di traha y a yega na su auto, el a topa cu e daño inespera cometi na su vehiculo. Locual e tabatin den su auto tabata un par di sapato, desodorante y algun cos personal, cu awor ta den man di e ladronnan.
