Ladronnan den oranan di madruga pa mainta a kibra y horta den un auto cu tabata staciona dilanti un complehodi apartamento den Engelandstraat.
Rond di 9’or di mainta e cabayero a yama bisa cu e mester presencia di Polis ya cu ora cu e tabata bay pa subi su auto, a constata cu personanan desconoci a kibra e bentana chikito di su auto, cu e anochi anterior tabata intacto ainda ora cu el a bay drumi.
Doño di e auto KIA Sportage a bisa Polisnan cu loke ta straño ta cu nan a coba den dashboard y lo a bay cu documentonan di e vehiculo. Un childseat a keda atras y otro cosnan tambe.
Sinembargo el a wordo conseha pa tira un bista y si e ta sinti falta di algo mas, bay entrega un keho y traha un lista di loke ladronnan a bay cun’e.
