Diamars anochi Wilmer Cervantes a parkea un pick-up pafo di un cas na Jaburibari. Den un rato cu el a bay busca algo y bolbe, tur cos a disparce.
Diamars anochi Cervantes, kende ta den e negoshi di trece material for di Colombia pa ciudadanonan aki na Aruba, a bay entrega material na Jaburibari.
El a caba di ricibi e mueblenan un poco despues di 7:00 di diamars anochi. El a parkeer y a pone e sofanan, nobo nobo, y escaparate dilanti di e cas pa bay cumpra cuminda. Ora el a bolbe casi 9:00 e sofanan a disparce.
El a splica cu nan ta hopi grandi y no por a hinca nan paden. Den mey ora cu el a bay y bolbe, ladronnan a pasa y a bay cu e mueblenan. E sofanan ta dos beige y un preto y ta pertenece na un cliente cu mester bay entrega nan.
Cualkier persona cu por a mira un vehiculo sali for di e casnan di pueblo Jaburibari cu tres sofa, yam’e na 7460698. Lo tin recompensa.
